Studentparlamentet ved Universitetet i Bergen vil utvide opningstidene til universitetsbiblioteka. Dette er eit av punkta på arbeidsprogrammet 2011/2012. Miljø- og læringsmiljøansvarlig i Arbeidsutvalget, Mathias Bratz Queseth, seier dei vil utvide tilbodet til studentane ved å innføre lørdagsopne bibliotek.
-Vi håper dette kan begynne allerede i januar, seier Bratz, og legg til at det mest trulig i fyrste omgang vil gjelde bibliotek for samfunnsvitenskap og bibliotek for humaniora.
Randi Elisabeth Taxt, biblioteksdirektør ved UiB, seier at dei tilsette ved biblioteka er positive til studentparlamentets ynskje, men at det er spørsmål rundt økonomi og drift som må besvarast før endringar kan tre i kraft. Det må blant anna vurderast om det er naudsynt med fagkyndig personell til stades, eller om vaktpersonell for å garantere sikkerheita er nok.
BSTV vil komme tilbake med resten av arbeidsprogrammet så fort det er klart.
