Studentane ved Høgskulen i Bergen har sakna meir undervisning om mobbing i skulen. Dette har leiinga for lærarutdanninga tatt på alvor.
Høgskulen i Bergen lova studentane å gå gjennom mobbepensummet, og vurdere kvaliteten av undervisninga som omhandlar førebygging og handtering av mobbing tidlegare i vår.
– Vi synes det er flott at studentane engasjerar seg. Vi tar innspela deira på alvor, understrekar Gro Karper Bjørkaas, seksjonsleiar ved Høgskulen i Bergen, Grunnskulelærarutdanninga.
Etter endringar i pensum og undervisning består no mobbeundervisninga ved lærarutdanninga av ei forprøve som alle studentar må bestå før dei kan gå opp til eksamen. Det er auka litteratur om temaet og fleire forelesingar, samt faglege samtalar. Studentane jobbar med temaet mobbing tett opp mot praksis slik at dei er godt forbedredt på ulike situasjonar. I tillegg er det eit betra fokus på mobbing under praksisperioden og samtalar om dette i etterkant.
– Dette gjer studentane betre forberedt til praksis og eg trur dei vert betre klasseleiarar, seier Gro Karper Bjørkaas.
Leiar for studentparlamentet i Bergen, Anders Veggeland er veldig fornøgd med at Høgskulen i Bergen tar tak i saker som studentar brenn for. Han påpeikar også at auka undervisning om mobbing kan gjere ”praksissjokket” mindre og gjere nyutdanna betre forberedt til lærarkvardagen.
Bård Vågholm Husby, leiar for Studentrådet og tredjeårsstudent ved lærarutdanninga på Høgskulen i Bergen er tilfreds med at det er blitt meir fokus på mobbing under utdanningforløpet.
– Det er ein veldig fin ting å ha med i ryggsekken når vi skal ut å jobbe som lærarar, smiler Husby.
