Med berre gode omtalar i media, seglar Elverumsgjengen i medvind for tida. Team Me har turnert på klubbar og festivalar i inn – og utland, og denne veka spelte dei på Hulen her i Bergen. Frå 17. november til 5. desember reiser dei på turné i Europa, der dei skal innom Sveits, Frankrike, Tyskland, Belgia, Tsjekkia, Østerrike og Italia.
Indiebandet starta eigentleg som Marius Drogsås Hagen sitt einmannsprosjekt, men då han ikkje ynskte å opptre åleine på Urørt- finalen, blei medlemslista utvida til eit seksmannsorkester. Noko som har resultert i eit fargerikt lydbilde.
